ایشین ہاکی چیمپئنز ٹرافی میں پاکستان نے تیسرے میچ میں جاپان کو شکست دے کر پہلی کامیابی حاصل کر لی۔
چین میں جاری ایشین ہاکی چیمپئنز ٹرافی میں پاکستان اور جاپان کی ٹیمیں مدِ مقابل آئیں۔ کھیل کے دسویں منٹ میں پاکستانی کھلاڑی ندیم احمد نے پہلا گول کر کے ٹیم کو برتری دلائی۔
کھیل کے دوسرے کواٹر میں قومی کھلاڑی سفیان خان نے ایک اور گول کر کے پاکستان کی پوزیشن مزید مضبوط کردی۔ میچ کے 7ویں منٹ بعد جاپان نے پنالٹی کارنر پر گول کرکے جاپان کو جیت کی امید دلائی۔
ایشین چیمپئنز ٹرافی، پاکستانی ہاکی ٹیم اُدھار لیکر چین روانہ
جاپان اور پاکستان کی ٹیموں کی جانب سے چوتھے کواٹر میں گول کرنے کی بھرپور کوشش کی لیکن کوئی ٹیم گول نہ کر سکی۔ ایشین ہاکی چیمپئنز ٹرافی میں پاکستان کی یہ پہلی کامیابی ہے اس قبل کھیلے گئے دونوں میچ ڈرا ہو گئے تھے۔
خیال رہے کہ اس سے قبل پاکستان نے اپنے دونوں میچز ڈرا کرکے 1,1 پوائنٹ حاصل کیا تھا۔
