سانحہ کچہ ماچھکہ پر پنجاب پولیس کی جوابی کارروائی میں اہلکاروں پر حملے کا مرکزی ملزم بشیر شر ہلاک کردیا گیا۔
ترجمان پنجاب پولیس کے مطابق رات گئے جاری پولیس آپریشن میں کچہ ایریا کا خطرناک ڈاکو کیفر کردار کو پہنچا۔ ہلاک ملزم گزشتہ روز پولیس اہلکاروں پر ہونے والے حملے کے مرکزی ملزمان میں شامل تھا۔
ترجمان کا کہنا تھا کہ پولیس کی کارروائی میں ہلاک ڈاکو کے دو ساتھی شدید زخمی ہوئے۔
رحیم یار خان ،ڈاکوؤں کا پولیس کی گاڑیوں پر راکٹوں سے حملہ ، 11اہلکار شہید،7زخمی
خیال رہے کہ گزشتہ روز رحیم یار خان کے کچے کے علاقے میں ڈاکوؤں نے پولیس پر حملہ کردیا تھا جس کے نتیجے میں 11 اہلکار شہید ہوئے تھے۔ ڈاکوؤں نے پولیس کی گاڑیوں پر راکٹ سے حملہ کیا، دونوں پولیس موبائل بارش کے پانی میں پھنس گئی تھیں۔
پولیس حکام کے مطابق ڈاکوؤں کے حملے میں 7 پولیس اہلکار زخمی ہوئے تھے جبکہ قافلے میں موجود متعدد پولیس اہلکار لاپتہ بھی ہوگئے۔
