پاک فوج اور ریاستی اداروں کے خلاف بیرون ملک سے سوشل میڈیا پر پروپیگنڈہ کرنے والے سازشی و انتشاری ٹولے کا ایک اور اہم کارندہ بے نقاب ہو گیا۔
سکیورٹی ذرائع کے مطابق بیرونِ ملک مقیم اکبر حسین پاک فوج کے خلاف منفی پروپیگنڈے میں شامل ہے جس نے سوشل میڈیا پلیٹ فارم ایکس پر خیبر پختونخوا میں بد امنی اور سِول وار کی جھوٹی خبریں پھیلائیں۔
چیف جسٹس اور ریاستی اداروں کیخلاف پروپیگنڈہ کرنیوالے 115 افراد کو نوٹس
سکیورٹی ذرائع کا کہنا ہے کہ اکبر حسین نے 9 مئی واقعات کے دوران عوام کو انتشار اور شرپسندی پر اکسایا جبکہ سوشل میڈیا پر بلوچستان میں دہشتگردی کے واقعات کا الزام بھی فوج پر لگایا۔
ذرائع کے مطابق پاک فوج سے ریٹائرمنٹ کے بعد اکبرحسین ریاست مخالف پروپیگنڈے میں مصروف رہا ، وہ پاک فوج کا نام استعمال کرتے ہوئے فارن فنڈنگ بھی حاصل کرتا رہا۔
کشمیر ایکشن کمیٹی قیادت کا پرتشدد واقعات سے اظہارِ لاتعلقی، بھارتی پروپیگنڈہ بے نقاب
ذرائع کے مطابق سوشل میڈیا پر پاکستان کے خلاف بھارتی پروپیگنڈوں کو بھی شیئر کیا جاتا ہے۔
تحقیقاتی اداروں کا کہنا ہے کہ ریٹائرمنٹ کے بعد مُلک دشمن عناصر کی ایما پر اکبر حسین اپنے ہی ملک کیخلاف کھڑا ہو گیا۔
