وفاقی وزیر قانون سینیٹر اعظم نذیر تارڑ کا کہنا ہے کہ سپریم کورٹ کے مخصوص نشستوں سے متعلق فیصلے سے حکومت کو کوئی خطرہ نہیں۔
انہوں نے اپنے ایک بیان میں مخصوص نشستوں سے متعلق سپریم کورٹ کے فیصلے پر ردِ عمل دیا۔ انہوں نے کہا کہ ہمارے پاس اب بھی 209 اراکین کی اکثریت ہے، فیصلہ ابھی پورا نہیں دیکھا۔
اعظم نذیر تارڑ کا کہنا تھا کہا حکومت نظرثانی کی درخواست دائر کرے گی یا نہیں یہ ابھی نہیں بتا سکتا۔
سپریم کورٹ کے فیصلے کے بعد حکمران اتحاد 77 مخصوص نشستوں سے محروم ہو گیا
خیال رہے کہ سپریم کورٹ نے محفوظ فیصلہ سناتے ہوئے خواتین اور اقلیتوں کی مخصوص نشستیں پاکستان تحریک انصاف کو دینے کا حکم دے دیا ہے۔ عدالت نے الیکشن کمیشن اور پشاور ہائیکورٹ کے فیصلے کالعدم قرار دے دیے ہیں۔
چیف جسٹس پاکستان کے مطابق سنی اتحاد کونسل کی درخواست پر فیصلہ 8 کی اکثریت کا فیصلہ ہے، فیصلہ جسٹس منصور علی شاہ نے تحریر کیا ہے۔
