انسداد دہشتگردی عدالت نے پی ٹی آئی کی رہنما صنم جاوید کا 4 روز کا جسمانی ریمانڈ دے دیا۔
صنم جاوید کو گوجرانوالہ اینٹی ٹیررازم کورٹ (اے ٹی سی) میں پیش کیا گیا۔ انہیں 10 جون کو دوبارہ عدالت میں پیش کیا جائے گا۔ پولیس نے 30 روزہ جسمانی ریمانڈ کی استدعا کی تھی۔
پی ٹی آئی رہنما صنم جاوید کو جیل سے نکلتے ہی پولیس نے دوبارہ گرفتار کر لیا
دوران سماعت صنم جاوید نے عدالت سے اجازت لے کر بات کرتے ہوئے کہا کہ ہائی پروفائل میٹنگ میں سازش کی بات ہو رہی ہے، جب میٹنگ ہوئی اس وقت میں پی ٹی آئی کی نہ کارکن تھی نہ عہدیدار۔
عدالت کے اندر پی ٹی آئی رہنما کے وکلاء کے ویڈیو بنانے پر عدالت نے ویڈیو بنانے والے وکلاء کی سخت سرزنش کی۔ جس پر وکلاء نے عدالت سے معافی مانگ لی۔
واضح رہے پی ٹی آئی رہنما کو گزشتہ روز سرگودھا جیل سے رہائی کے بعد دوبارہ گرفتار کیا گیا تھا۔
