وزیرِ اعظم کا ملک بھر میں غیراعلانیہ لوڈشیڈنگ ختم کرنے کا حکم

مسلم لیگ

وزیرِ اعظم شہباز شریف نے ملک بھر میں غیراعلانیہ لوڈشیڈنگ ختم کرنے کا حکم دے دیا۔

شہباز شریف کی زیرِ صدارت لوڈشیڈنگ اور بجلی چوری روکنے کے امور پر اجلاس ہوا جس میں وزارتِ توانائی نے  بریفنگ دیتے ہوئے کہا کہ صرف خسارے میں چلنے والے فیڈرز پر لوڈشیڈنگ کی جا رہی ہے۔

وزیرِ اعظم شہباز شریف نے غیراعلانیہ لوڈشیڈنگ ختم کرنے کی ہدایت کرتے ہوئے کہا ہے کہ نقصان میں چلنے والے فیڈرز پر بھی لوڈشیڈنگ کا دورانیہ کم کیا جائے۔

انہوں نے کہا کہ گرمی کی شدت کے باعث لوگوں کو پریشانی کا سامنا ہے، بجلی کی چوری روکنا تمام متعلقہ اداروں کی ذمے داری ہے، لوگوں کو گرمی میں ریلیف دیا جائے۔

لوڈشیڈنگ کا خاتمہ بجلی چوری روکنے سے ہی ممکن ہے، اویس لغاری

وزیرِ اعلیٰ خیبر پختون خوا علی امین گنڈاپور سے ہونے والی ملاقات پر بھی اجلاس کو بریف کیا گیا۔ بتایا گیا کہ وزیرِ اعلیٰ کے پی نے بجلی چوری کم کرنے کی یقین دہانی کرائی ہے۔

ذرائع کے مطابق وزیرِ اعظم نے وزیرِ اعلیٰ کے پی سے ہونے والی ملاقات میں ہوئی پیش رفت کو سراہا۔


متعلقہ خبریں