وزیر اعظم شہباز شریف اور آرمی چیف جنرل سید عاصم منیر کے درمیان ملاقات، دہشتگردی کیخلاف جاری انٹیلی جنس بیسڈ آپریشنز کے نتائج پر تبادلہ خیال کیا گیا۔
ذرائع کے مطابق وزیراعظم اور آرمی چیف ک ملاقات ایس آئی ایف سی کی اپیکس کمیٹی کے اجلاس سے قبل ہوئی۔ آرمی چیف نے وزیراعظم کو اپنے دورہ سعودی عرب پر اعتماد میں لیا۔
ذرائع کا کہنا ہے کہ وزیراعظم شہباز شریف نے پاک سعودی تعلقات پر اظہارِ اطمینان کیا۔ ملاقات میں افواج پاکستان کے پیشہ وارانہ اور آپریشنل امور پر بھی بات چیت ہوئی۔
سابق آرمی چیف نے فیض آباد دھرنے کے شرکا میں رقم تقسیم کرائی، خواجہ آصف
بعد ازاں وزیرِاعظم شہباز شریف نے اسپیشل انویسٹمنٹ فسیلیٹیشن کونسل کی ایپکس کمیٹی کے اجلاس کی صدارت کی۔ اجلاس میں اعلیٰ سول وعسکری قیادت شریک ہوئی، آرمی چیف جنرل عاصم منیر نے اجلاس میں خصوصی طور پر شرکت کی۔
