طبی ماہرین نے کہا ہے کہ وٹامن اے جلد پر لگے زخم کو بھرنے میں اہم کردار ادا کرنے میں مدد دیتا ہے۔
ماہرین کی تحقیق کے مطابق زخم لگنے کے بعد وٹا من اے خلیات کو ہدایت دیتا ہے کہ جلد کی مرمت کی جائے اور اس کے ساتھ ساتھ بعد وہاں بالوں کی بھی نشونما کی جائے۔
ملک میں 20 کلوگرام آٹے کی قیمت میں کمی ریکارڈ
تحقیق کے مطابق یہ خاص خلیے دراصل بالوں کے خام خلی ہوتے ہیں لیکن یہ عام طور پر اس وقت تک کام نہیں کر سکتے جب تک کہ وہ اس بات کا تعین نہ کر لیں کہ جلد کو ٹھیک کرنا ہے یا بالوں کی نشونما کرنی ہے، یہ ہدایت وٹامن اے فراہم کرتا ہے۔
ماہرین کا کہنا ہے کہ چونکہ جلد اکثر زخمی ہوتی ہے اس لیے بالوں کے خلیے جلد کو پہنچنے والے نقصان کی تلافی کیلئے فوراً متحرک ہو جاتے ہیں، اس نئے مطالعے کے بعد اب ہم جلد اور بالوں کی مختلف خرابیوں اور کینسر کو روکنے کے طریقہ کار کو بہتر طور پر سمجھ سکتے ہیں ۔
محققین نے یہ بھی دریافت کیا کہ وٹامن اے کا مناسب تناسب ان خلیوں کی موثر فعالیت کے لیے انتہائی ضروری ہے، وٹامن اے کی بہت زیادہ مقدار خلیات کے کردار کو مناسب طریقے سے تبدیل کرنے میں رکاوٹ بن سکتی ہے جبکہ کم سطح بالوں کی نشو ونما کی بجائے جلد کو ٹھیک کرنے پر بہت زیادہ وقت صرف کر سکتی ہے۔
ابھی تک وفاقی کابینہ میں شامل ہونے کی کوئی تجویز نہیں،قمرزمان کائرہ
خیال رہے کہ جسم میں خلیات جب اپنے متعین کردہ کام کو تبدیل کرتے ہیں تو اسے lineage plasticity کہا جاتا ہے۔ یہ عمل کینسر اور زخم کی شفایابی دونوں میں ہوتا ہے۔
