سابق صدر ڈاکٹر عارف علوی نے کہاہے کہ پاکستان مشکل حالات سے گزر رہا ہے، معیشت زوال پذیر ہو رہی ہے، منڈیٹ کی عزت کرنا سب پر ضروری ہے۔ سابق چیئرمین پی ٹی آئی پر200 سے زائد مقدمات ہیں، پاکستان کو جوڑنے کیلئے بانی تحریک انصاف کو رہا کرنا ضروری ہے۔
کراچی میں اپنی رہائش گاہ پر پریس کانفرنس کرتے ہوئے عارف علوی نے کہاکہ ملک کی سیاست ،حالات کو بہتر بنانے کیلئے منڈیٹ کو تسلیم کرنا ہوگا، میں نے ملک کے لئے مشکلات کاسامنا کیا ، مجھے کسی سے کوئی شکایت نہیں ہے۔
سر کے بل کھڑے ہو کر معاملے کو حل کرنے کی کوشش کی ، میں نے پوری کوشش کی ، مجھے خاطر خواہ کامیابی نہیں ملی۔
سعودی عرب اور یو اے ای میں رمضان المبارک کا چاند نظر آگیا
سابق صدر نے کہا کہ میں ہمیشہ اپنی پارٹی کے اصولوں پر پابند ر ہا ، پارٹی کا بنیادی اصول کرپشن کے خلاف تھا میں اس پر قائم رہا ۔ میری کوشش رہی ہے کہ ملک کو جوڑا جائے اور ترقی کی راہ پر گامزن کیاجائے۔
میں نے جس مینڈیٹ کا اظہار کیا ہے ، ملک کو جوڑنے کے لیے سیاسی مینڈیٹ تسلیم کیاجائے۔
عارف علوی نے کہاکہ اگر میرے خلاف کوئی آرٹیکل 6 کے تحت مقدمہ چلاتاہے تو چلائے، میں الزام لگانے والوں کو کہتاہوں میرے خلاف عدالت میں جائیں، لیکن میں پھر بھی یہ کہوں گا کہ سیاسی کشیدگی ختم ہونی چاہیے، بے بنیاد الزامات نہ لگائے جائیں۔
رمضان کا پہلا عشرہ اچھا گزرے گا،مارچ کے آخری ہفتے سے موسم گرم ہونا شروع ہوجائے گا، محکمہ موسمیات
انکا کہنا تھا کہ میں سابق چیئرمین پاکستان تحریک انصاف سے جلد ملاقات کروں گا،اس کے لیے اپنے وکلا کو عدالت میں درخواست دینے کاکہہ دیاہے۔ میں نے 9مئی کے واقعات پر ہونے والی توڑ پھوڑ کی بھرپور الفاظ میں مذمت کی تھی ۔
سابق صدر کا مزید کہنا تھا کہ سابق چیئرمین پی ٹی آئی میرا لیڈر تھا ہے اور رہے گا، میں نے بانی تحریک انصاف کو مشورہ دیا تھا کہ پنجاب اور خیبرپختونخوا اسمبلی نہ توڑیں۔
