چینی صدر شی جن پنگ کی آصف زرداری کو دوسری مرتبہ صدر منتخب ہونے پر مبارکباد دی۔
چینی صدر شی جن پنگ نے اپنے ایک بیان میں آصف زرداری کے لیے نیک خواہشات کا اظہار کرتے ہوئے کہا کہ پاک چین آہنی دوستی تاریخ کا انتخاب اور عوام کا قیمتی خزانہ ہے۔
شی جن پنگ کا کہنا تھا کہ دونوں ملک اچھے پڑوسی، اچھے دوست، اچھے شراکت دار اور اچھے بھائی ہیں۔ دونوں ملکوں نے سی پیک کی تعمیرمیں نتیجہ خیز نتائج حاصل کئے ہیں۔
نومنتخب صدر آصف زرداری آج حلف اٹھائیں گے
انہوں نے مزید کہا کہ پاکستان اورچین نے قریبی اعلیٰ سطحی تبادلے کو برقرار رکھا ہے۔
خیال رہے کہ حکمران اتحاد جماعتوں کے امیدوار آصف علی زرداری گزشتہ روز پاکستان کے 14ویں صدر منتخب ہو گئے۔ آصف زرداری نے 411 الیکٹورل ووٹ حاصل کیے جبکہ مدِ مقابل امیدوار محمود اچکزئی 181 الیکٹورل ووٹ حاصل کر سکے۔
