اسلام آباد: پاکستان تحریک انصاف کے سربراہ عمران خان نے کہا ہے کہ عیدالاضحیٰ تک پاکستان بدل چکا ہو گا۔
ہم نیوز کے پروگرام “ہم اسپیشل عمران خان کے ساتھ” میں بات کرتے ہوئے انہوں نے جہاں اپنے ماضی کے ایسے دلچسپ واقعات سنائے جو ان کے پرستاروں کی نگاہوں سے اب تک اوجھل ہیں وہاں مستقبل کے ارادوں اور عزائم کی تفصیلات بھی بیان کیں۔
انہوں نے بتایا کہ میں نے 18 برس کی عمر میں پہلا ٹیسٹ کھیلا اور اس میچ میں میرا ٹارگٹ یہ تھا کہ کہ میں نے نہ صرف 100 رنز بنانے ہیں بلکہ دس وکٹیں بھی لینی ہیں لیکن اس میچ میں بری طرح ناکام ہونے کے بعد مجھے ٹیم سے ہی نکال دیا گیا۔
پی ٹی آئی چیئرمین @ImranKhanPTI کا خصوصی انٹرویو میزبان @AmberRShamsi کے ساتھ، عید کے پہلے دن شام 4:05 پر صرف ہم نیوز پر pic.twitter.com/dk4G1xFEGd
— HUM News (@humnewspakistan) June 15, 2018
ایک سوال کے جواب میں عمران خان نے کہا کہ میں بنیادی طور پر شرمیلا آدمی ہوں جسے لوگ میرا تکبر سمجھتے ہیں۔
عنبر شمسی کا لیا گیا یہ دلچسپ اور منفرد انٹرویو عید کے پہلے روز شام 4:05 اور رات 8:05 بجے ہم نیوز پر نشر ہو گا۔
