امریکی جریدے فوربزنے دنیا کی10مضبوط کرنسیوں کی فہرست جاری کردی۔
حالیہ رینکنگ میں کویتی دینار سب سے آگے جبکہ امریکی ڈالر کو 10واں نمبر دیا گیا ہے،فوربز کے مطابق اقوام متحدہ میں 180کرنسیوں کو قانونی حیثیت حاصل ہے لیکن کسی بھی کرنسی کی مقبولیت یا اس کا زیادہ استعمال اس کے مستحکم ہونے کی علامت نہیں۔
جریدے کی 10جنوری کو جاری کی گئی رینکنگ میں کویتی دینار طاقتور ہونے کے اعتبار سے پہلے نمبر پر ہے جس کی مالیت تین اعشاریہ 25ڈالر کے برابر ہے جبکہ دوسرا نمبر بحرینی دینار کا ہے جس کی مالیت دو اعشاریہ 65ڈالر ہے۔
پاکستان اور دبئی کے درمیان 3بلین ڈالر سے زائد سرمایہ کاری کے معاہدے پر دستخط
عمانی ریال دو اعشاریہ 60ڈالر کے ساتھ تیسرے، اردنی دینار ایک اعشاریہ 41ڈالر کے ساتھ چوتھے، جبرالٹر اور برطانوی پاونڈ ایک اعشاریہ 27ڈالر کے ساتھ پانچویں اور چھٹے نمبر پر ہیں،ساتواں نمبر کیمین آئی لینڈ ڈالر کا ہے جس کی مالیت ایک اعشاریہ 20ڈالر ہے۔
سوئٹزرلینڈ کا فرانک ایک اعشاریہ 17ڈالر مالیت کے ساتھ آٹھویں جبکہ یورو ایک اعشاریہ نو ڈالر مالیت کے ساتھ نویں نمبر پر ہے،اس کے بعد امریکی ڈالر کا نمبر ہے۔
امریکی ڈالر دنیا میں بہت زیادہ استعمال ہونے والی اور اکثر بنیادی ریزرو کرنسی شمار ہوتی ہے لیکن کئی وجوہات کی بنا پر طاقتور ہونے کے اعتبار سے یہ کئی ایک کرنسیوں سے نیچے ہے۔
