نگران وزیراعظم انوار الحق کاکڑ اور سعودی وزیر خارجہ فیصل بن فرحان کے درمیان ملاقات ہوئی ہے۔
سوئٹزرلینڈ کے شہر ڈیووس میں جاری عالمی اقتصادی فورم کے دوران نگران وزیراعظم اور سعودی وزیر خارجہ کی ملاقات ہوئی۔ ملاقات میں علاقائی پیشرفت کا جائزہ لیا گیا۔
اعلامیے کے مطابق نگران وزیراعظم نے اس دوران پاک سعودی عرب قریبی برادانہ تعلقات کو اجاگر کیا۔ دونوں رہنماؤں نے علاقائی ترقی سے متعلق مختلف امور پر تبادلہ خیال کیا۔
ایران سے کشیدگی ، مغربی سمت سے آنیوالی تمام پروازوں کی مانیٹرنگ شروع
خیال رہے کہ وزیراعظم انوار الحق کاکڑ اس وقت ڈیووس کے دورے پر موجود ہیں جہاں ورلڈ اکنامک فورم پر انکی سائیڈ لائنز ملاقاتیں جاری ہیں۔ پاکستان اور ایران کے درمیان جاری کشیدگی کے بعد نگراں وزیرِ اعظم نے دورۂ ڈیووس مختصر کر دیا ہے۔
مختصر دورے کے بعد اب وزیر اعظم آج رات وطن واپس پہنچ رہے ہیں، اس سے قبل انہوں نے 22 جنوری کو وطن واپس آنا تھا۔
