گڈو تھرمل پاور ہائی ٹرانسمیشن کے سوئچ یارڈ میں فنی خرابی کے باعث آگ لگ گئی جس سے سندھ، پنجاب اور بلوچستان کے کئی شہروں میں بجلی معطل ہو گئی۔
گڈو تھرمل پاور ہاؤس کے حکام کا کہنا ہے کہ 500 کے وی کی ہائی ٹرانسمیشن لائن میں دھماکا ہوا تھا، فنی خرابی شدید دھند کے باعث پیش آئی۔
بلوچستان کے متعدد شہروں میں بجلی کی فراہمی معطل
حکام نے مزید بتایا کہ آگ پر فوری قابو پا لیا گیا ہے تاہم آگ لگنے سے 500 کے وی کی 3 لائنیں ٹرپ کر گئی ہیں، گرڈ اسٹیشن میں مرمتی کام جاری ہے۔
حکام نے کہا کہ کشمور،کندھ کوٹ،شکار پور ،لاڑکانہ ، سکھر ، جعفرآباد، نصیرآباد، اوستہ محمد، صحبت پور،ب ولان ، سبی، ڈی جی خان، راجن پور اوررحیم یارخان میں بجلی معطل ہے جسے بحال کرنے کی کوشش کر رہے ہیں۔
