کراچی: شہر قائد کے علاقے ناظم آباد 2 نمبر پر کار پر فائرنگ سے 2 افراد جاں بحق اور خاتون زخمی ہو گئیں۔
ریسکیو حکام کے مطابق کار پر فائرنگ نامعلوم ملزمان کی جانب سے ناظم آباد 2 نمبر انکوائری آفس کے قریب کی گئی۔ جس کے بعد کار بے قابو ہو کر دیوار سے ٹکرا گئی۔
فائرنگ سے زخمی ہونے والی خاتون کو فوری طور پر قریبی اسپتال منتقل کر دیا گیا۔
پولیس کے مطابق پولیس اور کرائم سین یونٹ نے موقع پر پہنچ کر شواہد جمع کیے ہیں اور واقعے کی تحقیقات شروع کر دی گئی۔ کار کے فرنٹ شیشے پر گولیوں کے نشان موجود ہیں۔
یہ بھی پڑھیں: بھارتی سپریم کورٹ کا فیصلہ جوتے کی نوک پر، بھارت اپنی حد میں رہے، نگران وزیر اعظم
کرائم سین یونٹ کے مطابق کار سے گولیوں کے 2 سکے ملے ہیں جبکہ گولی کا خول نہیں مل سکا۔
ایک واقعے میں ماڑی پور کے علاقے مچھر کالونی میں نامعلوم سمت سے آنے والی گولی لگنے سے خاتون زخمی ہو گئی۔ خاتون کو اسپتال منتقل کر دیا گیا۔