پنجاب حکومت کی جانب سے ایک نئی اسکیم متعارف کرائے جانے کی تیاری کی جارہی ہے جس کے تحت یونیورسٹیز اور کالجز کے طلبہ کو قرعہ اندازی کے تحت الیکٹرک بائیکس مہیا کی جائیں گی۔
صوبائی وزیر پلاننگ اینڈ ڈویلپمنٹ بلال افضل کے مطابق یہ قابل عمل تجویز حتمی منظوری کیلئے وزیراعلٰی پنجاب محسن نقوی کو بھیجی جائیں گی۔ اس پروگرام کا اصل مقصد ماحول کو بچانے کا اقدام کرنا ہے۔
ٹیوٹا نے نئی ہائبرڈ الیکٹرک کار متعارف کرولا کراس متعارف کر ادی
بلال افضل کا کہنا ہے کہ جتنے زیادہ لوگ الیکٹرک بائیکس پر کالجز اور یونیورسٹیز میں آئیں گے، اسی تناسب سے دیگر ٹرانسپورٹ ذرائع کم ہوں گے۔ اس بات کا فیصلہ اب تک نہیں ہوا کہ طالب علموں کو رعایت کتنی دی جائے گی۔
صوبائی وزیر نے کہا کہ ہماری کوشش ہے کہ طالب علموں پر معاشی بوجھ نہ پڑے۔ پہلے مرحلے میں صرف یونیورسٹیز اور کالجز کے لیے یہ اسکیم لا رہے ہیں اور اس میں لڑکے اور لڑکیاں دونوں ایک ہی تناسب سے مستفید ہوں گے۔
بھارت میں ٹیسلا کی سستی الیکٹرک کار متعارف
اس حوالے سے پنجاب کے سیکریٹری ٹرانسپورٹ نے بتایا ہے کہ مارکیٹ میں موجود تمام مینوفیکچرز اور ان کی قیمتوں کے حوالے سے اپنی تیاری مکمل کرلی ہے۔ اسکیم کے تحت طلبہ سے آن لائن درخواستیں لی جائیں گی اور پھر ان کی قرعہ اندازی ہوگی۔
