ملک میں شدید سردی،محکمہ موسمیات نے سردی کی شدت میں مزید اضافے کا امکان ظاہر کردیا۔
موسمیاتی ماہرین کے مطابق ملک بھر میں 15 دسمبر سے سرد ہوائیں پاکستان کا رخ کریں گی جس کے باعث کراچی سمیت ملک کے بیشترعلاقوں میں سردی کی شدت میں اضافہ اور درجہ حرارت گرنے کا امکان ہے۔
موسمیاتی تبدیلی، پاکستان کیلئے خطرے کی گھنٹی بج گئی
ماہرین کا کہنا ہے کہ شہر میں 10روز کے دوران کم سےکم درجہ حرارت 12 سے 14 ڈگری سینٹی گریڈ رہنےکا امکان ہے۔
اس دوران شہر میں شمال مشرق سے چلنے والی ہوا کے باعث شہر کا فضائی معیار متاثر رہے گا تاہم آئندہ 10 دنوں میں شہر میں بارش کا کوئی امکان نہیں ہے۔
موسمیاتی تجزیہ کار اویس حیدر کے مطابق کراچی میں دن کے اوقات میں ہوا میں نمی 50 سے 60 فیصد تک رہے گی۔
موسمیاتی تبدیلی سے ہونیوالے نقصانات کو کیسے کم کیا جائے؟
دوسری جانب محکمہ موسمیات کے مطابق بری ہوائیں ملک کے بیشتر علاقوں میں موجود ہیں۔ 15 دسمبر جمعہ کے روز ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد اور مطلع جزوی ابر آلود رہنے کے علاوہ سردی کی شدت میں اضافہ ہو گا۔
جبکہ شمالی مغربی بلوچستان کے چند اضلاع میں موسم ابر آلود رہنے کے ساتھ بارش کا بھی امکان ہے۔
اس کے علاوہ پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ / دھند چھائے رہنے کی پیش گوئی کی گئی ہے۔
آسٹریلیا کیخلاف ٹیسٹ سیریز، ابرار احمد انجری کے باعث پہلے ٹیسٹ میچ سے باہر ہوگئے
رپورٹ کے مطابق آئندہ ہفتے کے روز بھی بالائی خیبرپختونحوا، کشمیر اور گلگت بلتستان میں موسم ابر آلود رہنے کے ساتھ بارش کا امکان ہے جبکہ سردی کی شدت میں بھی اضافہ ہو گا۔
جبکہ پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ / دھند چھائے رہنے کا امکان ہے ۔
اس دوران ملک کے بیشتر علاقوں میں موسم سرد اور خشک رہے گا۔
