بھارتی فلم انڈسٹری کی معروف اداکارہ تبو نے پہلی بار اپنے پاکستانی والد سے متعلق خاموشی توڑدی۔
مختلف بھارتی ویب سائٹس کے ذریعے یہ خبر زیر گردش رہی ہےکہ تبو پاکستانی اداکار کی بیٹی ہیں لیکن اس حوالے سے اداکارہ نے کبھی کوئی وضاحت نہیں دی تھی، تاہم اب حال ہی میں بھارتی میڈیا کو دیے گئے ایک انٹرویو میں انہوں نے اس حوالے سے کھل کر بات کی ہے۔
فلسطین کی حمایت، ماریہ بی کا غیر ملکی فاسٹ فوڈز کے بائیکاٹ کی اپیل
بھارتی میڈیا کے مطابق تبو نے اپنے پاکستانی والد سے متعلق کہا کہ میں جب تین سال کی تھی تو میرے والدین کے درمیان طلاق ہوگئی تھی ،میں نے کبھی اپنے والد کو نہیں دیکھا۔
میری والدہ سے طلاق کے بعد والد نے دوسری شادی کرلی تھی، میں کبھی اپنے والد سے نہیں ملی لیکن میری بڑی بہن فرح ناز والد سے بہت بار ملی ہیں۔
بالی ووڈ اداکارہ نے کہا کہ میرا پیدائشی نام تبسم فاطمہ ہاشمی تھا لیکن میں نے کبھی اپنے نام کے ساتھ ہاشمی استعمال نہیں کیا جبکہ میری پرورش میرے نانا نانی اور والدہ نے کی۔
معروف اداکارہ ارمینہ خان کے والد انتقال کرگئے
انہوں نے مزید کہا کہ میرے والد اپنے زمانے میں پاکستانی سینما کے جانے پہچانے نام تھے۔واضح رہے کہ تبو کے والد جمال ہاشمی ماضی میں ایک معروف پاکستانی اداکار تھے۔
جمال ہاشمی نے بھارتی شہر حیدرآباد کے مسلمان گھرانے میں رضوانہ نامی خاتون ٹیچر سے شادی کی تھی، شادی کے بعد وہ اپنے شوہر جمال ہاشمی کے ہمراہ پاکستان منتقل ہوگئی تھیں۔
ندا یاسر اور شائستہ لودھی کا نسیم شاہ کو ماڈلنگ میں قدم رکھنے کا مشورہ
جمال ہاشمی کی ازدواجی زندگی مسائل کا شکار رہی، ان کی شادی شدہ زندگی میں لڑائی جھگڑے اس قدر بڑھ گئے تھے کہ ان کی اور رضوانہ کے درمیان طلاق ہوگئی تھی۔
اس جوڑی کے ہاں دو بیٹیوں کی پیدائش ہوئی جن میں بالی ووڈ اداکارہ تبو اور ان کی بہن فرح ناز شامل ہیں، تبو 4 نومبر 1971 کو پیدا ہوئیں۔
