پاکستان کے سینئر اسپورٹس جرنلسٹ نسیم راجپوت نے دعوی کیا ہے کہ قومی ٹیم کے کپتان بابر اعظم نے بھارت کے سابق کرکٹر عرفان پٹھان کو انٹرویو دینے سے انکار کیا۔
نجی ٹی وی پروگرام میں نسیم راجپوت کا کہنا تھا کہ عرفان پٹھان نے ورلڈکپ کے براڈ کاسٹر اسٹار اسپورٹس کے لیے بابر اعظم کا انٹرویو کرنے کی کوشش کی۔
پہلے اسٹار اسپورٹس کی پروڈکشن ٹیم آئی اور انہوں نے کہا عرفان پٹھان آپ کا انٹرویو کرنا چاہتے ہیں۔ بابر نے لفٹ ہی نہیں کروائی، اس کے بعد عرفان نے کہا میں خود جاکر بات کرتا ہوں۔
بابر اعظم پاکستانی تاریخ کے دوسرے کامیاب ترین کپتان بن گئے
معروف صحافی کا کہنا تھا کہ عرفان بابر کے پاس گئے تو قومی ٹیم کے کپتان نے کہا پاکستان کیخلاف جو لوگ بات کرتے ہیں میں ان سے بات نہیں کرتا یہ کہنے کے بعد وہ چلے گئے۔
نسیم راجپوت کے مطابق انہوں نے یہ رپورٹ بھارتی میڈیا پر دیکھی جو کہ انہیں مستند لگی ہے۔
