نگراں وفاقی حکومت نے عالمی مارکیٹ میں کمی کے باوجود پیٹرولیم مصنوعات پرعوام کو ریلیف دینے کی بجائے قیمتوں کو برقراررکھا ہے۔
ذرائع کےمطابق حکومت کی جانب سے عوام کو قیمتوں پر ریلیف دینے کی بجائےلیوی،ڈیلرز اور کمپنیوں کے منافع میں اضافہ کیاگیا، دستاویزات کے مطابق ڈیزل پر 6 روپے 44 پیسے فی لیٹر جبکہ پیٹرول پر عوام کو 3 روپے فی لیٹرسے زائد کا ریلیف نہیں دیا گیا۔
ڈالر بے قابو، انٹربینک میں 1 روپے 3 پیسے مہنگا ہو گیا
ذرائع کے مطابق حکومت نے عوام کیلیے قیمتوں میں کمی کی بجائے لیوی ، ڈیلرز اور کمپنیوں کا منافع بڑھادیا۔
دستاویزات کے مطابق گزشتہ 15 روز کے دوران ڈیزل کی ایکس ریفائنری قیمت میں 5روپے 56پیسے کمی ہوئی ،جس کے بعد ڈیزل پر پیٹرولیم لیوی 5 روپے فی لیٹر بڑھادی گئی۔ ڈیزل پر آئل کمپنیوں اور ڈیلر مارجن میں بھی 88پیسے اضافہ کیا گیا۔
وفاقی حکومت کا پیٹرولیم مصنوعات کی قیمتیں برقرار رکھنے کا اعلان
پیٹرول کی ایکس ریفائنری قیمت میں بھی 3روپے 17پیسے کمی ہوئی، پیٹرول پر او ایم سی مارجن میں 47 پیسے فی لیٹر اضافہ ہوا، مارجن 7.87 روپے مقرر کردی گئی۔
پیٹرول پر ڈیلر مارجن بھی 41 پیسے فی لیٹر بڑھا کر8.64 روپے مقرر کردیا گیا۔
سونے کی فی تولہ قیمت میں 1200 روپے تک کی کمی
دوسری جانب ڈیزل پر بھی تیل کمپنیوں کے مارجن میں 47 پیسے اضافہ کردیا گیا،نئی شرح 8.12 روپے مقرر کردیا گیا جبکہ ڈیزل پر ڈیلر مارجن 41 پیسے بڑھا کر8.64 روپے کردیا گیا۔
