تہران: شیراز میں ایک مزار پر دہشت گردانہ حملے میں ایک شخص ہلاک جب کہ سات زخمی ہو گئے ہیں۔
ایران پر تمام پابندیاں برقرار رہیں گی، امریکہ
ایران کی سرکاری خبر رساں ایجنسی ارنا اور نیم سرکاری خبر رساں ایجنسی تسنیم کے مطابق مسلح حملہ آوروں نے شاہ چراغ مزار پر فائرنگ کی جس کے نتیجے میں ایک شخص ہلاک جب کہ 7 زخمی ہو گئے۔
خلیج کے مؤقر نشریاتی ادارے العربیہ ڈاٹ نیٹ کے مطابق مزار پر کیے جانے والے حملے کے نتیجے میں چار افراد ہلاک ہو ئے ہیں۔
پاکستان اور ایران کے درمیان 5 سالہ اسٹریٹجک تجارتی معاہدہ
ایرانی میڈیا رپورٹس کے مطابق حملہ آوروں میں سے ایک کو حراست میں لے لیا گیا جب کہ دوسرا حملہ آور فرار ہونے میں کامیاب ہو گیا ہے۔
واضح رہے کہ گذشتہ سال اکتوبر میں ایک مسلح شخص نے بھی اسی مزار کو نشانہ بنایا تھا جس میں 13 افراد ہلاک ہوئے تھے، بعد میں داعش نے اس حملے کی ذمہ داری قبول کی تھی۔
7 سال بعد ایران میں سعودی سفارت خانے کی سرگرمیاں بحال
یاد رہے کہ جولائی میں ایران نے گذشتہ سال اکتوبر میں اس بم حملے کے جرم میں دو افراد کو سرعام پھانسی دے دی تھی۔
