اسلام آباد: اومان کی فضائی کمپنی سلام ائیر نے پاکستان میں اپنے آپریشن میں اضافہ کرنے کا فیصلہ کیا ہے جس کے تحت پشاور سے ہفتہ وار دو پروازیں شروع کی جائیں گی۔
پی آئی اے، جشن آزادی کے موقع پر کرایوں میں کمی کا اعلان
اس ضمن میں سلام ائیر نے کہا ہے کہ سال رواں کے ماہ اکتوبر سے مسقط انٹرنیشنل ائیرپورٹ سے پشاور باچا خان ائیرپورٹ کے لیے نیا روٹ شروع کیا جائے گا جس کے تحت ہفتہ میں دو پروازیں اڑانیں بھرا کریں گی، یہ پروازیں پیر اور جمعرات کے روز آپریٹ کریں گی۔
واضح رہے کہ اس وقت پاکستان کی قومی ایئر لائن پی آئی اے کی اومان کے لیے ہفتے میں براہ راست دو پرواٰزیں اڑانیں بھرتی ہیں۔
سلام ائیر نے اب پاکستان میں اپنے نیٹ ورک کو وسعت دینے کا منصوبہ بنایا ہے جس کے تحت ماہ اکتوبر سے چار نئے روٹس متعارف کرائے جائیں گے جب کہ تین روٹس کی بہتری کے لیے بھی اقدامات اٹھائے جائیں گے۔
سسٹم کی خرابی، 10 ہزار ڈالرز والی ٹکٹیں 300 میں فروخت، ایئر لائن کا بھٹہ بیٹھ گیا
یکم اکتوبر سے مسقط سے اسلام آباد کے درمیان ہفتہ وار بنیادوں پر پانچ پروازوں کا آغاز کیا جائے گا جب کہ مسقط سے لاہور اور کوئٹہ کے لیے پروازوں کا آغاز 3 اکتوبر اور فیصل آباد کے لیے 5 اکتوبر سے ہوگا۔
