کراچی: آغا خان یونیورسٹی کے میڈیکل کالج نے ایم بی بی ایس سال اول کے داخلہ ٹیسٹ دوبارہ لینے کا اعلان کردیا ہے، یہ اعلان یونیورسٹی کی ویب سائٹ پر کیا گیا ہے۔
میڈیکل کالجز کے داخلہ ٹیسٹ پرانے نصاب کے مطابق ہی ہوں گے، پی ایم ڈی سی
واضح رہے کہ طلبہ کی شکایت کے بعد لیے جا چکنے والے داخلہ ٹیسٹ کو منسوخ کیا گیا ہے جو یونیورسٹی کی تاریخ کا پہلا واقعہ ہو گا۔ داخلہ ٹیسٹ 6 اگست 2023 بروز اتوار ہوئے تھے۔
آغا خان یونیورسٹی نے ایم بی بی ایس پروگرام، 2023-2024 تعلیمی سال کے لیے داخلہ ٹیسٹ دوبارہ منعقد کرانے کا فیصلہ کیا ہے کیونکہ ہونے والے سالانہ انٹری ٹیسٹ کے حوالے سے جاری گفتگو سے یونیورسٹی آگاہ ہے اور یہ فیصلہ بہت غور و فکر کے بعد کیا گیا ہے۔
میڈیکل کے طلبا پر ٹی شرٹ اور جینز پہننے پر پابندی
اعلان کے تحت نظرثانی شدہ داخلہ ٹیسٹ ہفتہ 19 اگست 2023 کو ہوگا، اس حوالے سے کہا گیا ہے کہ ہم اپنے پروگراموں میں دلچسپی کے لیے اپنے تمام درخواست دہندگان کا شکریہ ادا کرنا چاہیں گے۔
آغا خان یونیورسٹی میں ہم طلبا کو اعلیٰ ترین معیاری تعلیم فراہم کرنے کے لیے وقف ہیں، ہم تمام درخواست دہندگان سے نظرثانی شدہ ٹیسٹ کے لیے نیک خواہشات کا اظہار کرتے ہیں۔
طلباء داخلہ لینے سے قبل پروفیشنل ڈگری پروگرام کی ایکریڈیشن کی تصدیق یقینی بنائیں، ایچ ای سی
واضح رہے کہ آغا خان میڈیکل کالج کی ایم بی بی ایس کے لیے 100 نشستیں مختص ہیں جب کہ اس کا شمار ملک کے سب سے مہنگے نجی میڈیکل کالج میں بھی ہوتا ہے۔
