راولپنڈی کا علاقہ چونترہ رات گئے گولیوں سے گونج اٹھا، ویڈیو سوشل میڈیا پر منظر عام پر آگئی۔
سوشل میڈیا پر وائرل ہونے والی ویڈیو میں چونترہ کے علاقے میں واضح طور پر گولیاں چلتے دیکھا جاسکتا ہے۔ مسلسل فائرنگ کی آوازوں سے علاقے میں خوف و ہراس پھیل گیا۔
ویڈیو میں دیکھا جاسکتا ہے کہ ایک جانب سے لگاتار فائرنگ کا سلسلہ جاری ہے جس کے بعد کچھ دیر کی خاموشی چھا جاتی ہے۔ پھر اچانک گولیوں کی آوازیں خاموشی توڑتی ہوئے علاقے میں خوف و ہراس پھیلانا شروع کردیتی ہیں۔
لنڈی کوتل میں علما کرام نے شادیوں میں موسیقی، فائرنگ، خواجہ سراؤں پر پابندی لگادی
خیال رہے کہ رواں سال کے آغاز میں تھانہ چونترہ کے علاقہ کھنگھر اور گردونواح میں سرچ آپریشن کیا گیا تھا۔ پولیس اورقانون نافذ کرنے والے اداروں کی جانب سے آپریشن کے دوران 9 ملزمان کو گرفتارکیا گیا تھا۔
پولیس کے مطابق ان ملزمان کے قبضہ سے 3 کلاشنکوفیں اور بھاری تعداد میں گولیاں برآمد ہوئی تھیں۔
