ٹوئٹر نے تھریڈز ایپ کے معاملے پر میٹا کو مقدمہ درج کرانے کی دھمکی دے دی۔
غیر ملکی خبر رساں ایجنسی کے مطابق ٹوئٹر کے مالک ایلون مسک کے وکیل نے کہا ہے کہ میٹا نے ٹوئٹرکے تجارتی رازوں کو غیر قانونی طور پر غلط طریقے سے استعمال کیا۔
مارک زکربرگ کو لکھے گئے خط میں کہا گیا کہ میٹا انٹلیکچوئل پراپرٹی رائٹس کے غیرقانونی استعمال میں ملوث ہے۔
یہ بھی پڑھیں: سوشل میڈیا پر دوسروں کی پوسٹ دیکھنے والے کس بیماری میں مبتلا ؟
ٹوئٹر کے وکیل الیکس سپیرو نے مؤقف اختیار کیا کہ ٹوئٹر اپنے انٹلیکچوئل پراپرٹی رائٹس کو سختی سے نافذ کرنے کا ارادہ رکھتا ہے اور میٹا ٹوئٹر کے تجارتی راز یا دیگر انتہائی خفیہ معلومات کا استعمال روکنے کے لیے فوری اقدامات کرے۔
