بھارتی وزیراعظم نریندر مودی کی دعوت پر وزیراعظم شہباز شریف آج شنگھائی تعاون تنظیم (ایس سی او) کے سربراہی اجلاس میں بذریعہ ویڈیو لنک شرکت کریں گے۔
ترجمان دفتر خارجہ کے مطابق وزیراعظم شہباز شریف بھارتی ہم منصب نریندر مودی کی دعوت پر آج ایس سی او اجلاس میں شرکت کریں گے۔ وزیراعظم ایس سی او کونسل آف ہیڈز آف سٹیٹ کے 23 ویں اجلاس میں بذریعہ ویڈیو لنک موجود ہوں گے۔
وزیراعظم شہباز شریف بھی ایشز سیریز کے مداح نکلے
ترجمان دفتر خارجہ کا کہنا ہے کہ ایس سی او اجلاس میں تنظیم کے نئے رکن کے طور پر ایران کا خیر مقدم کیا جائے گا۔ پاکستان ایس سی او کو علاقائی سلامتی و خوشحالی کیلئے فورم سمجھتا ہے۔ اجلاس میں شریک رہنما اہم عالمی اور علاقائی مسائل پر غور کریں گے۔
دوسری طرف چینی وزارت خارجہ کے مطابق صدر شی جن پنگ بھی ویڈیو لنک کے ذریعے شنگھائی تعاون تنظیم کے سربراہی اجلاس میں شرکت کریں گے اور تقریر کریں گے۔
ایس سی اواجلاس میں جانے کا مقصدمسئلہ کشمیر کو اجاگر کرنا تھا،بلاول بھٹو
خیال رہے کہ گزشتہ ماہ بھارتی شہر گووا میں ہونے والے وزرائے خارجہ کے اجلاس میں وزیر خارجہ بلاول بھٹو زرداری کی جانب سے شرکت کی گئی تھی۔ یہ گزشتہ 12 برس میں اپنی نوعیت کا پہلا دورہ تھا۔
