اسلام آباد: عیدالاضحیٰ سے متعدد شہروں میں کئی اے ٹی ایمز خراب ہوگئی ہیں جب کہ کئی میں کیش ختم ہو گیا ہے۔
کوریا میں سونا فراہم کرنے والی اے ٹی ایم انتہائی مقبول
بینکوں کے صارفین کے مطابق اے ٹی ایمز خراب ہونے کے بعد کئی بینکوں کی ہیلپ لائنز نے بھی کام کرنا چھوڑ دیا ہے۔
صارفین کا اس حوالے سے کہنا ہے کہ عید الاضحیٰ سے قبل اے ٹی ایمز خراب ہونے یا ان میں کیش نہ ہونے کی وجہ سے انہیں سخت کوفت و دشواری کا سامنا کرنا پڑ رہا ہے، افسوسناک امر ہے کہ شنوائی بھی نہیں ہو رہی ہے۔
اس حوالے سے شہریوں نے تشویش کرتے ہوئے کہا کہ سب سے بڑی پریشانی یہ ہے کہ عید الاضحیٰ اور اس کے بعد کے دن وہ کیسے گزاریں گے؟ کیونکہ سرکاری تعطیلات آئندہ کئی دن تک جاری رہیں گی۔
اے ٹی ایم بوتھ میں میاں بیوی کو لوٹنے کی ویڈیو وائرل
واضح رہے کہ عید الطفر اور عید الاضحیٰ سمیت اہم تہواروں کے مواقع پر بینکوں کی اے ٹی ایمز کا خراب ہونا، کیش کا ختم ہونا اور یا پھر لنک کا ڈاؤن ہونا معمول بن چکا ہے۔
