معروف پاکستانی سیاستدان و تحریک استحکام پاکستان پارٹی کے رہنما علیم خان کی کمپنی نے محکمہ ایکسائز پنجاب کی تاریخ کا سب سے بڑی رقم کا چالان جمع کرا دیا اور پرکشش نمبر بھی نیلامی میں بڑی رقم دے کر جیت لیا۔
علیم خان کی کمپنی پارک ویو انکلیو پرائیویٹ لمیٹڈ گلبرگ کے نام نئی کالے رنگ کی رینج روور گاڑی کی رجسٹریشن ہوئی، یہ رجسٹریشن فیس محکمہ ایکسائز پنجاب کی تاریخ میں سب سے بڑی ہے جس کی رقم 91 لاکھ 10 ہزار 6 سو 56 روپے بنتی ہے جو ادا کر دی گئی ہے۔
اس رینج روور کا نمبر بھی انتہائی پرکشش یعنی نمبر ون(APS-1) آن لائن نیلامی کے ذریعے ایک لاکھ 31 ہزار3سو روپے بولی لگا کرحاصل کر لیا گیا ہے۔ذرائع کا کہناہے کہ اس گاڑی کی قیمت 17 کروڑ سے زائد ہے۔
