اسلام آباد: پاکستان کرکٹ بورڈ (پی سی بی) کی مینجمنٹ کمیٹی کے سربراہ نجم سیٹھی چیئرمین پی سی بی کی دوڑ سے دستبردار ہو گئے۔
چیئرمین پی سی بی نجم سیٹھی نے سوشل میڈیا کے ویب سائٹ ٹوئٹر پر صارفین کو سلام کرتے ہوئے لکھا کہ میں سابق صدر آصف علی زرداری اور وزیر اعظم شہباز شریف کے درمیان جھگڑے کے باعث نہیں بننا چاہتا۔
انہوں نے کہا کہ پی سی بی کے لیے عدم استحکام اور غیر یقینی جیسی صورتحال بہتر نہیں ہے اس لیے ان حالات میں میں پی سی بی کی چیئرمین شپ کا امیدوار نہیں ہو۔
Salaam everyone! I don’t want to be a bone of contention between Asif Zardari and Shehbaz Sharif. Such instability and uncertainty is not good for PCB. Under the circumstances I am not a candidate for Chairmanship of PCB. Good luck to all stakeholders.
— Najam Sethi (@najamsethi) June 19, 2023
واضح رہے کہ چیئرمین پی سی بی کے معاملے پر پیپلز پارٹی اور مسلم لیگ ن کے درمیان تنازع چل رہا ہے۔ پیپلز پارٹی ذکا اشرف کو چیئرمین پی سی بی لانے کی خواہشمند ہے جبکہ مسلم لیگ ن نجم سیٹھی کو چیئرمین دیکھنا چاہتی ہے۔
