اسلام آباد: یوٹیلیٹی اسٹورز پر مختلف اشیا مہنگی ہوگئی ہیں، اس حوالے سے نئے نرخ بھی جاری کر دیے گئے ہیں۔
مہنگائی37.97 فیصد کی ریکارڈ سطح پر پہنچ گئی
وفاقی دارالحکومت اسلام آباد سے جاری ہونے والے نئے نرخ کے مطابق یوٹیلیٹی اسٹورز پر شہد کی 500 گرام قیمت میں 101 روپے کا اضافہ ہوا ہے۔
اسی طرح ایک کلو چکن اسپریڈ کی قیمت میں 190 روپے کا اضافہ کیا گیا ہے، ایک کلو مایونیز 100 روپے تک مہنگا کر دیا گیا ہے۔
مہنگے ترین ممالک کی فہرست میں پاکستان سری لنکا سے بھی آگے
نئے نرخ کے مطابق 800 گرام کیچپ کی قیمت 79 روپے تک بڑھا دی گئی ہے، ساسز کی 800 گرام قیمت میں 79 روپے تک کا اضافہ ہوا ہے جبکہ ایک کلو اچار 80 روپے تک مہنگا کر دیا گیا ہے۔
یوٹیلیٹی اسٹورز پر جوشاندہ 3 روپے اور اسپغول کی قیمت میں 30 روپے تک کا اضافہ ہوا ہے، عرق اور سیرپ 20 سے 40 روپے تک مہنگے کر دیے گئے ہیں۔
مہنگائی 1964ء کے بعد بلند ترین سطح پر پہنچ گئی
یوٹیلیٹی اسٹورز پر قیمتوں میں کیے جانے والے اضافے کا اطلاق فوری طور پر کر دیا گیا ہے۔
