مقابلہ حسن ہارنے پر خاوند کی ہنگامہ آرائی، ملکہ حسن کا تاج پٹخ کر توڑ دیا، ویڈیو وائرل

مقابلہ حسن ہارنے پر خاوند کی ہنگامہ آرائی، ملکہ حسن کا تاج پٹخ کر توڑ دیا، ویڈیو وائرل

براسیلیا: مقابلہ حسن میں اہلیہ کے دوسرے نمبر پہ آنے پر خاوند نے شدید غم و غصے اور ہنگامہ آرائی کا مظاہرہ کرتے ہوئے جیتنے والی ماڈل کا تاج توڑ دیا۔

100 سالہ تاریخ میں پہلی بار ماڈل بغیر میک اپ مقابلہ حسن کے فائنل میں پہنچ گئی

مؤقر نشریاتی ادارے این ڈی ٹی وی کے مطابق برازیل میں یہ حیران کن واقعہ پیش آیا جہاں مقابلہ حسن منعقد ہوا تھا۔ اس دوران اسٹیج پر کی جانے والی ہنگامہ آرائی کی ویڈیو بھی سوشل میڈیا پر وائرل ہوئی ہے۔

برازیل کی خبر رساں ایجنسی گلوبو کے مطابق وائرل ویڈیو میں دیکھا جا سکتا ہے کہ ایک خاتون فائنل میں پہنچنے والی نتھالی بیکر اور ایمانیولی بیلینی میں سے کسی ایک کو تاج پہنانے کے لیے نتیجہ سنتی ہیں لیکن اس سے قبل کہ  مقابلہ جیتنے والی ایمانیولی بیلینی کو تاج پہنائیں دوسرے نمبر پر آںے والی نتھالی بیکر کے خاوند نے اسٹیج پہ آکر ان کے ہاتھ سے تاج کھینچ کر زمین پر پھینک دیا۔

مقابلہ حسن میں میک اپ کے بغیر شرکت کا فیصلہ

اسٹیج پر حملہ کرنے والے شخص نے صرف اسی پر اکتفا نہیں کیا بلکہ اپنی اہلیہ کو وہاں سے لے جاتے ہوئے ایک مرتبہ پھر تاج اٹھا کر اسٹیج پہ پٹخا جس سے وہ ٹوٹ گیا جب کہ شرکا یہ ساری غیر متوقع ہنگامہ آرائی دیکھ کر دم بخود رہ گئے۔

مؤقر امریکی جریدے نیو یارک پوسٹ کے مطابق مقابلہ حسن کی سکیورٹی نے اسٹیج پر حملہ اور ہنگامہ آرائی کرنے والے ملزم کو جاتے ہوئے پکڑ لیا۔

خوبصورت گھونگھے نے عالمی مقابلہ حسن جیت لیا

مقابلہ حسن کی کوارڈینیٹر ملونی ہینسیچ کے مطابق ساری ہنگامہ آرائی کا مقصد صرف ایک تھا کہ نتیجہ تسلیم نہیں کرنا ہے جب کہ منتظمین کا کہنا ہے کہ مقابلہ حسن کے جج بیلینی کو فاتح قرار دینے میں حق بجانب اور درست تھے۔


متعلقہ خبریں