ریاض: دو سعودی خلابازوں نے اپنے لانچ کے بعد بین الاقوامی خلائی اسٹیشن سے اپنی بحفاظت آمد کا اعلان کرتے ہوئے السلام علیکم کے ساتھ ایک ویڈیو پیغام واپس زمین پر بھیجا ہے۔
ایک کروڑ روپے میں خلا میں شادی کرنے کی منفرد سہولت
کمپنی اسپیس ا یکس، کمپنی ایکسیم اسپیس اور سعودی اسپیس اتھارٹی کے مشترکہ خصوصی مشن پر اتوار کو پہلے دو سعودی خلا باز جب بین الاقوامی خلائی اسٹیشن پہ پہنچے تو پوری دنیا کی نگاہیں ان پر مرکوز تھیں۔
السلام عليكم من الفضاء وشرف كبير أن نكون في هذه الرحلة التاريخية، هو ما استهلت به البطلة ريانة برناوي أول امرأة عربية مسلمة تَصل للفضاء.
السعودية #نحو_الفضاء 🇸🇦 pic.twitter.com/YL8HHav6jP
— الهيئة السعودية للفضاء (@saudispace) May 22, 2023
زمین پر بھیجی جانے والی ویڈیو میں دونوں خلاباز نظر آئے جس میں ریانہ برناوی نے خلا میں پہنچنے والی پہلی عرب مسلمان خاتون کے طور پر اپنی تقریر کا آغاز کرتے ہوئے کہا خلا سے السلام علیکم ۔۔ ہمارے لیے یہ بیحد اعزاز کی بات ہے کہ ہم اس تاریخی سفر میں شریک ہیں۔
سعودی عرب میں طوفانی ژالہ باری ،نیا ریکارڈ قائم
علی القرنی بھی پیر کی صبح ٹویٹر پر اپنے آفیشل اکاؤنٹ کے ذریعے سعودی اسپیس اتھارٹی کی طرف سے شائع کردہ کلپ میں دکھائی دیے ہیں۔
عالمی خبر رساں ایجنسی کے مطابق یہ ویڈیو اسپیس ایکس کے تیار کردہ میزائل فالکن 9 کے بعد آئی۔ فالکن 9 ریانہ برناوی اور علی القرنی کو لے کر اتوار کی شام فلوریڈا کے کینیڈی اسپیس سنٹر سے لانچ کیا گیا تھا۔ اس کے ساتھ ناسا کے سابق خلا باز پیگی وائٹسن اور امریکی کاروباری جان شوفنر بھی تھے۔
سعودی اسپیس اتھارٹی کے نامزد سی ای او محمد بن سعود التمیمی نے اس حوالے سے انکشاف کیا ہے کہ مملکت میں اب 3 خلاباز موجود ہیں جو خلا میں جا چکے ہیں۔ انہوں نے فلوریڈا سے معروف نشریاتی ادارے کو دیے گئے بیانات میں کہا کہ سعودی عرب 3 خلاباز بھیجنے والے عرب دنیا کا پہلا ملک بن گیا ہے۔
سعودی عرب دنیا کا دوسرا سب سے تیزی سے بڑھتا ہوا سیاحتی مقام بن گیا، ڈبلیو ٹی او
واضح رہے کہ سعودی خلابازوں کا سفر سعودی عرب کے خلابازوں کے پروگرام کے فریم ورک کے اندر آتا ہے جس کا مقصد خلائی پروازوں کے لیے تجربہ کار سعودی کیڈرز کو تیار کرنا اور خلائی شعبے سے متعلق سائنسی تجربات، بین الاقوامی تحقیق اور مستقبل کے مشنوں میں حصہ لینا ہے۔
