جنیوا: اقوام متحدہ نے درجہ حرارت میں خطرناک اضافے تشویش کا اظہار کرتے ہوئے موسمیاتی ادارے کو خبردار کر دیا۔
غیر ملکی خبر رساں ادارے کے مطابق اقوام متحدہ نے موسمیاتی ادارے ڈبلیو ایم او کو خبردار کیا کہ گرین ہاؤس گیسوں سے کرہ ارض کے درجہ حرارت میں مسلسل اضافہ ہو رہا ہے۔
عالمی موسمیاتی ادارے ڈبلیو ایم او نے خدشہ ظاہر کیا ہے کہ سال 2023 سے 2027 تک کا عرصہ انسانی تاریخ کے گرم ترین 5 سال ہو سکتے ہیں۔
یہ بھی پڑھیں: فوج سے متعلق لطیفہ سنانے پر 60 کروڑ روپے سے زائد جرمانہ
ڈبلیو ایم او نے کہا کہ عالمی درجہ حرارت کے حوالے سے جس حد کا اندازہ تھا اب اس سے تجاوز ہونے والا ہے اور اس بات کا 98 فیصد امکان ہے کہ اگلے 5 سالوں میں درجہ حرات تاریخ کی بلند ترین سطح پر پہنچ جائے گا۔
واضح رہے کہ اب تک ریکارڈ کیے گئے گرم ترین 8 سال 2015 اور 2022 کے درمیان تھے لیکن موسمیاتی تبدیلیوں میں تیزی کے ساتھ درجہ حرارت میں مزید اضافے کی پیش گوئی ہے۔
