صدر پاکستان ڈاکٹر عارف علوی نے جسٹس مسرت ہلالی کی بطور چیف جسٹس پشاور ہائی کورٹ تعیناتی کی منظوری دے دی ہے۔
وہ اس سے قبل بطور قائم مقام چیف جسٹس پشاور ہائی کورٹ فرائض انجام دے رہی تھیں۔
آئین کے آرٹیکل 175 اے 13 کے تحت صدر ڈاکٹر عارف علوی نے چیف جسٹس کی تعیناتی کی منظوری دی۔
جسٹس مسرت ہلالی پشاور ہائی کورٹ کی سینئر ترین جج ہیں اور پشاور ہائی کورٹ کی چیف جسٹس کا عہدہ سنبھالنے والی پہلی خاتون جج ہیں۔
