پی ٹی آئی کے کارکن علی بلال عرف ظلِ شاہ کی والدہ نے بیٹے کی حفاظت میں ناکامی کا ذمہ دار تحریک انصاف کو قرار دے دیا۔
نجی ٹی وی کو انٹرویو میں ان کا کہنا تھا کہ ان کے بیٹے کو سازش سے قتل کیا گیا، یہ تحریک انصاف والوں نے کیا ہے۔
ان کا مزید کہنا تھا کہ جب سے عمران خان کو گولی لگی ظلِ شاہ ہر وقت زمان پارک میں ہی بیٹھا رہتا تھا،وہ کہا کرتا تھا عمران خان میرے ووٹ سے وزیراعظم بنے گا۔
علی بلال کی والدہ نے کہا کہ ظلِ شاہ عمران خان کی حفاظت کر رہا تھا لیکن میرے بیٹے کی حفاظت نہیں کی گئی۔
ان کا کہنا تھا کہ یاسمین راشد ہمیں فون کرنے کی بجائے ظلِ شاہ کو ہسپتال کیوں نہیں لے کر گئیں۔
اس موقع پر دکھی ماں نے کہا کہ عمران خان سے کہتی ہوں کہ تمہاری بڑی مہربانی، مجھے میرا بیٹا واپس دے دو۔
