آرمی چیف جنرل قمر جاوید باجوہ نے کہا ہے کہ کھیلوں میں نمایاں مقام کا حصول سازگار ماحول کی فراہمی سے جڑا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف نے لاہور گیریژن کا دورہ کیا جہاں انہوں نے یادگارشہدا پر حاضری،فاتحہ خوانی کی۔
آئی ایس پی آر کے مطابق آرمی چیف نے مادروطن کے دفاع کیلئے جوانوں کی پیشہ وارانہ صلاحیتوں کو سراہا۔
آرمی چیف نے لاہور کیریژن میں اسپیشل ایجوکیشن انسٹیٹیوٹ اور اسٹیٹ آف آرٹ ہاکی ایرینا کا بھی افتتاح کیا۔
آئی ایس پی آر کے مطابق آرمی چیف جنرل قمرجاوید باجوہ نے ہاکی کے سابق کھلاڑیوں سے ملاقات بھی کی۔
آرمی چیف نے کہا کہ نوجوان ہمارا اثاثہ ہیں، کھیلوں کے بہترمعیار حاصل کرنے کیلئے تمام سہولیات فراہم کی جائیں گی۔
