بھارتی ریاست جھارکھنڈ میں دردناک واقعہ پیش آیا جب ریسکیو کے دوران شہری ہیلی کاپٹر سے گر کر ہلاک ہوگیا۔
اتوار کے روز جھارکھنڈ کے تفریحی مقام پر12 کیبل کاریں آپس میں ٹکرا گئیں جس کے باعث پچاس سے زائد افراد فضا میں پھنس گئے، بھارتی فضائیہ نے 30 افراد کو ریسکیو کرلیا جبکہ 18 ابھی بھی فضا میں معلق کیبل کار میں موجود ہیں۔
ریسکیو کے دوران شہری کی گرفت چھوٹنے سے وہ کئی فٹ گہرائی میں جاگرا، حادثے میں اب تک خاتون سمیت 2 افراد ہلاک ہوچکے ہیں۔
یہ بھی پڑھیں:بھارت نے 4 پاکستانی اور 18 مقامی یوٹیوب چینلز پر پابندی عائد کردی
واقعہ پر افسوس کا اظہار کرتے ہوئے جھارکھنڈ کے وزیر اعلیٰ کا کہنا ہے کہ ریسکیو کا کام جنگی بنیادوں پر کیا جا رہا ہے، اور حکومت صورتحال پر گہری نظر رکھے ہوئے ہے۔
فضائیہ کے دو ہیلی کاپٹرز کو ریسکیو مشن کا حصہ بنایا گیا ہے، حکام نے بتایا کہ ڈرون کی مدد سے پھنسے ہوئے لوگوں کو پانی اور خوراک فراہم کی جا رہی ہے۔
#WATCH | Rescue operation underway at ropeway site near Trikut in Deoghar, Jharkhand.
30 people have been rescued so far, 18 are still remaining. NDRF, Air Force & Army are performing rescue operations. Probe will be done, Jharkhand Tourism Minister Hafizul Hasan earlier said pic.twitter.com/qlux5z7Ln1
— ANI (@ANI) April 11, 2022
