پاکستان تحریک انصاف کے رہنما علیم خان نے لندن میں مسلم لیگ ن کے قائد نواز شریف سے خفیہ ملاقات کی ہے جو 4 گھنٹے تک جاری رہی۔
ذرائع کا کہنا ہے کہ ملاقات دو روز قبل ہوئی، جس میں اسحاق ڈار بھی موجود تھے۔
ن لیگ یا علیم خان کے نمائندوں نے اب تک اس ملاقات کی تصدیق نہیں کی، علیم خان عمران خان سے ناراضگی کے بعد جہانگیر ترین گروپ میں شامل ہوگئے تھے۔
ذرائع کا کہنا ہے کہ لندن روانگی سے قبل علیم خان نے قومی اسمبلی میں قائد حزب اختلاف شہباز شریف سے بھی ملاقات کی تھی۔
ادھرعلیم خان کے ترجمان کے مطابق علیم خان کا دورہ برطانیہ نجی نوعیت کا ہے۔وہ لندن میں زیر تعلیم اپنے بچوں سے ملنے گئے ہیں۔دورہ برطانیہ میں ان کی سیاسی ملاقاتیں نہیں ہوئیں۔علیم خان وطن واپسی کے بعد اپنے ساتھیوں کے ہمراہ سیاسی لائحہ عمل طے کریں گے۔
