قومی کرکٹ ٹیم کے آل راؤنڈر شاداب خان نے ٹوئٹر پر آسک شاداب ہیش ٹیگ میں مداحوں کے سوالوں کے جوابات دئیے۔
اس سیشن میں صارفین نے ان سے کئی سوالات کیے، لیکن ایک دلچسپ سوال پی ایس ایل میں کراچی کنگز کے اسٹار بیٹسمین شرجیل خان کی طرف سے کیا گیا۔
اور وہ تھا شاداب خان کی شادی کا، شرجیل خان نے لکھا کہ شادی کا کیا پلان ہے اور وہ کب کر رہے ہیں؟
Sharjeel bhai Aap hé baat kaar lain ab number send karta houn ? #AskShadab https://t.co/vqb4LSQAit
— Shadab Khan (@76Shadabkhan) December 20, 2021
جس پر شاداب نے ان ہی سے مدد مانگ لی، پاکستانی اسٹار نے لکھا کہ شرجیل بھائی آپ کو نمبر بھیجتا ہوں، خود ہی بات کرلیں۔
اس کے علاوہ شاداب خان سے مداح کی جانب سے یہ سوال بھی کیا گیا کہ وہ سرفراز احمد کو ابھی تک اپنا کپتان کیوں کہتے ہیں؟ جس پر ان کا کہنا تھا کہ انہوں نے مجھے قیادت کرنا اور ٹیم کے ساتھ کھیلنا سیکھایا ہے، انہوں نے مزید لکھا کہ میرا استاد ہمیشہ میرا کپتان رہے گا۔
Because he taught me how to lead, how to look after your team, how to fight for your country and your teammates. My teacher will always be my captain. #AskShadab https://t.co/VDPdlcBybl
— Shadab Khan (@76Shadabkhan) December 20, 2021