لندن: برطانیہ میں مقیم بچہ اسکول کی تعطیلات کے دوران کروڑ پتی بن گیا۔ 12 سالہ بنیامین احمد نے 4 لاکھ ڈالرز(تقریباً 6 کروڑ 66 لاکھ پاکستانی روپے) کمائے ہیں۔
برطانوی خاتون مذاق مذاق میں کروڑ پتی بن گئی
مؤقر نشریاتی ادارے سی این بی سی کی رپورٹ کے مطابق بنیامین احمد نے (non-fungible tokens) یا این ایف ٹیز کی کلیکشن کے ذریعے کروڑوں روپے کمائے ہیں۔
میڈیا رپورٹ کے مطابق بنیامین احمد جب 5 سال کا تھا تو اس وقت سے اس نے اپنے والد عمران احمد سے کمپیوٹر کوڈ سیکھنا شروع کیا تھا۔ عمران احمد بنیادی طور پر ویب ڈویلپر ہیں۔
رپورٹ کے مطابق بنیامین احمد نے امسال این ایف ٹیز میں دلچسپی لینا شروع کی اور اپنے آرٹ ورکس کی کلیکشن سیریز کو فروخت کرنا شروع کیا جس کو اس نے ہزاروں منفرد پکسلیٹڈ وہیلز کی مدد سے تیار کیا تھا۔
بنیادی طور پر این ایف ٹیز ایسے ڈیجیٹل اثاثے ہوتے ہیں جو جے پیگز اور ویڈیو کلپس سمیت آرٹ کی دیگر اقسام کی نمائندگی کرتے ہیں۔
برطانوی میڈیا رپورٹ کے مطابق بنیامین احمد نے پہلی این ایف ٹی کلیکشن موسم گرما کی ابتدا میں متعارف کرائی تھی۔ اس کلیکشن کو بنیامین نے خود کوڈ اور ڈیزائن کیا تھا لیکن وہ فروخت نہیں ہوسکی تھی۔
جون میں بنیامین احمد نے weird وہیلز نامی کلیکشن پر کام شروع کیا جس میں 3350 پکسلیٹڈ وہیلز مختلف رنگوں اور ٹوپیوں کے ساتھ تھی۔ 12 سالہ بنیامین احمد نے اس کلیکشن کے لیے کوڈ کو آن لائن ٹیوٹرلز اور ایک گیمنگ ایپ کے ذریعے سیکھا۔
#WeirdWhales #NFT pic.twitter.com/Pz4pEs03JC
— Benyamin | benoni.eth (@ObiWanBenoni) July 21, 2021
میڈیا رپورٹ کے مطابق اس کلیکشن کو جب جولائی میں متعارف کرایا گیا تو وہ صرف 9 گھنٹوں میں فروخت ہوگئی۔
گھر بیٹھے لاکھوں صارفین کروڑ پتی ہو گئے
بنیامین احمد کو اس وقت 80 ایتھر (بٹ کوائن جیسی ورچوئل کرنسی) سے زیادہ کی آمدنی ہوئی جو تقریباً 2 لاکھ 55 ہزار ڈالرز کے مساوی تھی۔
میڈیا رپورٹ کے مطابق بنیامین احمد نے اس کے بعد مزید 30 ایتھر ری سیلز سے کمائے ( ہر ری سیل پر بنیامین کو ڈھائی فیصد رائلٹی ملے گی) اور اب تک ساڑھے 3 لاکھ ڈالرز سے زیادہ کما چکا ہے جب کہ اگست کے اختتام تک یہ آمدنی 4 لاکھ ڈالرز سے زیادہ ہوجائے گی۔
بنیامین احمد کے ٹوئٹر پر اس وقت 11 ہزار سے زیادہ فالوورز ہیں۔ اس نے ذرائع ابلاغ سے بات چیت میں بتایا ہے کہ اس کا کوئی بینک اکاؤنٹ نہیں ہے۔
اس کا کہنا ہے کہ وہ اپنے تمام ایتھر کو اپنے پاس ہی رکھے گا اور اسے نقد رقم میں تبدیل نہیں کرائے گا۔ اس کا کہنا ہے کہ مستقبل میں لوگوں کو بینک اکاؤنٹ کی ضرورت نہیں ہو گی بلکہ ایک ایتھر ایڈریس اور ایک والٹ ہی ان کی ضروریات کے لیے کافی ہو گا۔
جنوبی پنجاب کے غریب عوام کے کروڑ پتی نمائندے
بنیامین احمد نے ایک اور این ایف ٹی پرو جیکٹ پر بھی کام شروع کردیا ہے۔ اس کا کہنا ہے کہ اگر وہ اس سلسلے کو جاری رکھتا ہے تو عین ممکن ہے کہ وہ آئندہ مستقبل میں ٹیکنالوجی کی معروف کاروباری شخصیت بن جائے جیسا کہ ایلون مسک ہیں یا جیف بیزوز ہیں۔
