واشنگٹن: امریکی ری پبلکن سینیٹر لنڈسے گراہم نے کہا ہے کہ پاکستان کو افغانستان میں تنازعہ کے پائیدار حل کا حصہ ہونا چاہیے.
سینیٹر لنڈسے گراہم نے افغانستان چھوڑنے کے خواہشمند لوگوں کو نکالنے میں مدد کرنے پر پاکستانی حکومت کی تعریف بھی کی۔
انہوں نے افغانستان کی صورتحال پر امریکہ میں پاکستان کے سفیر اسد مجید خان سے بات چیت کے بعد ٹوئٹر پر لکھا کہ امریکی شہریوں، ہمارے اتحادیوں اور دیگر ممالک کے انخلا میں مدد کے لیے پاکستانی حکومت کی کوششوں کو بہت سراہتے ہیں۔
سینیٹر گراہم نے خطے کو انتہائی پیچیدہ اور اس دور کو خطرناک قرار دیتے ہوئے کہا کہ افغانستان میں کسی بھی پائیدار حل میں پاکستان شامل ہونا چاہیے۔
Just spoke to Senator Graham on the evolving situation in Afghanistan. Briefed him on our efforts to support evacuations from Afghanistan. @PakinUSA @ForeignOfficePk https://t.co/kKmZVx5IxG
— Asad M. Khan (@asadmk17) August 27, 2021
اس موقع پر پاکستانی سفیراسد مجید نے کہا کہ انہوں نے افغانستان کی موجودہ صورتحال پر سینیٹر گراہم سے بات کی ہے اور انہیں افغانستان سے انخلاء کے لیے پاکستان کی کوششوں سے آگاہ کیا ہے۔
