اسلام آباد: وزیراعظم عمران خان نے کہا ہے کہ پاکستان میں دہشت گردی کے پیچھے بھارت ہے۔ انہوں نے کہا کہ بھارت کی جانب سے پاکستان میں دہشت گردی کی منصوبہ بندی اورمالی معاونت کی جاتی ہے۔
لاہور دھماکے میں براہ راست بھارت ملوث ہے، فواد چوہدری
ہم نیوز کے مطابق انہوں نے یہ بات سماجی رابطوں کی ویب سائٹ ’ ٹوئٹر‘ پر جاری کردہ اپنے ایک بیان میں کہی ہے۔
This coordination led to identifying the terrorists & their international linkages. Again, planning & financing of this heinous terror attack has links to Indian sponsorship of terrorism against Pak. Global community must mobilise int institutions against this rogue behaviour
— Imran Khan (@ImranKhanPTI) July 4, 2021
وزیراعظم عمران خان نے اپنے بیان میں کہا ہے کہ جوہر ٹاوَن دھماکے پر اپنی ٹیم کو تحقیقات کے بارے میں قوم کو آگاہ کرنے کا کہا ہے۔ انہوں ںے کہا کہ سول اور عسکری خفیہ اداروں کے تعاون سے سی ٹی ڈی واقعے کی تہہ تک پہنچی۔
جوہر ٹاؤن دھماکہ: تفتیشی عمل میں رکاوٹ ڈالنے کیلئے بھارت نے سائیبر اٹیک کیے، معید یوسف
انہوں نے کہا کہ پنجاب پولیس کے سی ٹی ڈی ونگ کی کارکردگی قابل تعریف ہے۔ انہوں نے کہا کہ سول اور ملٹری اداروں کی کارکردگی کو بھی سراہتا ہوں۔
وزیراعظم عمران خان نے کہا کہ اداروں کے باہمی تعاون سے دہشتگردوں کی شناخت اور بیرون ملک ان کی جڑوں تک پہنچنا ممکن ہوا۔
انہوں ںے واضح طور پر کہا کہ جوہر ٹاون دھماکے کے تانے بانے بھارت کے پاکستان مخالف دہشت گرد نیٹ ورک سے ملے ہیں۔
جوہرٹاؤن دھماکے کے تمام ملزمان گرفتار،دشمن ملک کی خفیہ ایجنسی ملوث
ہم نیوز کے مطابق وزیراعظم عمران خان نے عالمی برادری سے کہا کہ وہ بھارت کے اس رویے کے خلاف اداروں کو متحرک کرے۔
