نئی دہلی: بھارت میں مبینہ “خلائی مخلوق” نے لوگوں کو خوفزدہ کر دیا۔
بھارتی میڈیا کے مطابق جھاڑ کھنڈ کے ضلع ہزاری باغ کے قریب ڈیم پر ایک مبینہ خلائی مخلوق کی ویڈیو سوشل میڈیا پر وائرل ہو گئی ہے جس میں دیکھا جا سکتا ہے کہ چلتی ہوئی چیز مبینہ طور پر خلائی مخلوق کی طرح دکھائی دے ری ہے۔
ویڈیو میں دیکھا جا سکتا ہے کہ کوئی خلائی مخلوق کی طرح سڑک کنارے چلتے ہوئے جا رہا ہے اور موٹر سائیکل سوار اسے رک کر اور لائٹ مار کر دیکھ رہے ہیں۔ جب موٹرسائیکل سوار لائٹ مار کر چلتی چیز کو دیکھتا ہے تو وہ کچھ دیر کے لیے رک جاتی ہے اور پھر چلنا شروع کر دیتی ہے۔
This Video is from #hazaribagh #Jharkhand claiming Creature shown in this Video is an #Alien & viral with speed, no one claiming it to be fake or false but much real??
Have they really arrived or just Rumours?#aliens #ViralVideo pic.twitter.com/RpSZip6lEO— Invincible AG (@crazyme_ag) May 30, 2021
وہاں موجود لوگ بھی مذکورہ چیز سے خوفزدہ دکھائی دے رہے ہیں اور کوئی اس کے قریب نہیں جا رہا۔ سوشل میڈیا پر ویڈیو آنے کے بعد تیزی سے وائرل ہو گئی ہے اور صارفین کی جانب سے ملا جلا ردعمل دیکھنے میں آ رہا ہے۔
بعض سوشل میڈیا صارف اسے بھوت اور خلائی مخلوق قرار دے رہے ہیں جبکہ کچھ کی جانب سے مذاق بھی اڑایا جا رہا ہے تاہم لوگ یہ جاننے کے لیے بےتاب ہیں کہ یہ کیا چیز تھی۔ تاحال اس کے بارے میں واضح نہیں ہو سکا کہ آیا وہ کون تھا۔
