وزیر خارجہ مخدوم شاہ محمود قریشی کے صاحبزادے و ممبر قومی اسمبلی اور وفاقی پارلیمانی سیکرٹری مخدوم زین حسین قریشی کی دوسری بار کورونا ٹیسٹ رپورٹ مثبت آگئی ہے۔
سماجی رابطے کی ویب سائٹ ٹوئٹر پر اپنے پیغام میں زین قریشی نے کہا ہے کہ دوسری بار کورونا ٹیسٹ مثبت آنے کے بعد میں نے خود کو آئیسولیٹ کردیا ہے۔
I have tested positive for Covid-19 for the second time, isolating at home. So far have mild fever and headaches hoping it’s Asymptomatic like last time. Plz keep me in your prayers. May Allah keep everyone safe..also plz take this 3rd wave seriously + have the elderly vaccinated
— Zain Hussain Qureshi (@ZainHQ) March 9, 2021
زین قریشی نے عوام سے جلد صحتیابی کے لیے دعا کی اپیل کرتے ہوئے کہا ہے کہ کورونا سے بچاوَ کیلئے سب کو احتیاط کرنی چاہیے۔
خیال رہے کہ گزشتہ سال جولائی میں وزیرخارجہ شاہ محمود قریشی عالمی وبا کورونا وائرس میں مبتلا ہوئے تھے۔
سماجی رابطوں کی ویب سائٹ ٹوئٹر سے جاری اپنے پیغام میں انہوں نے کہا تھا کہ میرا کورونا ٹیسٹ مثبت آ گیا ہے۔ انہوں نے بتایا تھا کہ آج سہ پہر مجھے ہلکا بخار محسوس ہوا جس کے بعد میں نے فوری طور پر خود کو گھر پر قرنطینہ کرلیا۔
ان کا کہنا تھا کہ میں خود کو مضبوط اور توانا محسوس کررہا ہوں، میں گھر سے اپنے فرائض منصبی ادا کرتا رہوں گا۔
