آسٹریلوی کرکٹ ٹیم نے جنوبی افریقہ کا دورہ ملتوی کر دیا ہے۔
کرکٹ آسٹریلیا کی جانب سے ایک ٹوئٹ کے ذریعے دورہ افریقہ کے ملتوی کرنے کا بتایا گیا ہے۔
آسٹریلوی کرکٹ بورڈ کی جانب سے کہا گیا ہے کہ کورونا وائرس کی وجہ سے افریقہ کا دورہ ملتوی کرنے کے علاوہ اُن کے پاس اور کوئی آپشن نہیں تھا۔
انہوں نے کہا کہ حال ہی میں جنوبی افریقہ میں کورونا کی نئی قسم سامنے آئی تھی۔
ANNOUNCEMENT: Cricket South Africa was informed by Cricket Australia that their scheduled tour to SA will not be going ahead due to Covid-19 fears.
“We are extremely disappointed by the decision of CA,” Director of Cricket, Graeme Smith, stated. ? pic.twitter.com/NW0ZfyMFbT
— Cricket South Africa (@OfficialCSA) February 2, 2021
دوسری جانب کرکٹ جنوبی افریقہ کے ڈائریکٹر گریم اسمتھ نے دورہ آسٹریلیا ملتوی ہونے پر سخت مایوسی کا اظہار کیا۔
انہوں نے کہا کہ کرکٹ جنوبی افریقہ دورہ کو کامیاب بنانے کے لیے انتھک محنت میں مگن تھا آخری گھنٹوں میں دورہ منسوخ کرنا مایوس کن ہے۔
جنوبی افریقہ اور آسٹریلیا کی سیریز ملتوی ہونے کے ساتھ ہی نیوزی لینڈ نے آئی سی سی ورلڈ ٹیسٹ چیمپئن شپ کے فائنل میں بھی رسائی حاصل کر لی ہے جہاں ممکنہ طور اس کا مقابلہ بھارت سے ہو گا۔
