نیویارک: ٹینس کے عالمی نمبر ون کھلاڑی نواک جوکوچ کو یو ایس اوپن سے ڈس کوالیفائی کر دیا گیا۔
غیر ملکی خبر رساں ادارے کے مطابق میچ کے دوران اپنے حریف کے خلاف پہلا سیٹ ہارنے پر جوکوچ نے ردعمل کا اظہار کرتے ہوئے گیند کو اسمیش کیا جو لائن جج کو جا لگی۔
رپورٹ کے مطابق نواک جوکوچ کا یہ عمل حادثاتی تھا لیکن قوانین کے مطابق انہیں ڈس کوالیفائی کردیا گیا ہے۔
بعد ازاں نوواک جوکووچ نے اپنی ٹوئٹ میں کہا کہ اس صورتحال نے مجھے اداس اور نڈھال کر دیا ہے۔
This whole situation has left me really sad and empty. I checked on the lines person and the tournament told me that thank God she is feeling ok. I‘m extremely sorry to have caused her such stress. So unintended. So… https://t.co/UL4hWEirWL
— Novak Djokovic (@DjokerNole) September 6, 2020
انہوں نے کہا کہ ٹورنامنٹ کے منتظمین سے میری بات ہوئی ہے جنہوں نے بتایا ہے کہ لائن جج خیریت سے ہیں۔
سربین کھلاڑی نے لائن جج سے معذرت کرتے ہوئے کہا کہ میں اس واقعے کو بطور کھلاڑی اور انسان ایک سبق کے طور پر استعمال کروں گا۔