لاہور:پاکستان کے سابق کرکٹر ظہیر عباس کو انڑنیشنل کرکٹ کونسل (آئی سی سی ) ہال آف فیم میں شامل کر لیا گیا ہے۔
پاکستان کرکٹ بورڈ (پی سی بی) کے چیئرمین احسان مانی نے آئی سی سی ہال آف فیم میں شمولیت پر ظہیر عباس کو مبارکباد پیش کی ہے۔
Zaheer Abbas, the latest member of an exclusive club of extraordinary cricketers! ? #ICCHallOfFame
MORE ▶ https://t.co/gvbS7NDrNp pic.twitter.com/6q6BHAJq4D
— Pakistan Cricket (@TheRealPCB) August 23, 2020
انہوں نے کہا کہ یہ پاکستان کے لیے اعزاز اور فخر کی بات ہے کہ کرکٹ کی عالمی تنظیم کی جانب سے ظہیر عباس کے شاندار کیرئیر کا اعتراف اور اسے سراہا جا رہا ہے۔
ان کا کہنا تھا کہ شائقین کرکٹ ضرور ظہیر عباس کے سحرمیں مبتلا رہے ہوں گے۔
احسان مانی نے کہا کہ پاکستان کرکٹ میں ظہیر عباس کی ایک خاص اہمیت ہے، ان کا نام کرکٹ کھیلنے والے کے ہر گھر کی زینت بنا۔
انہوں نے کہا کہ ظہیر عباس کی کرکٹ سے وابستگی صرف میدان تک ہی محدود نہیں تھی بلکہ انہوں نے بطور ایڈمنسٹریٹر آئی سی سی اور پی سی بی میں بہت باوقار انداز میں خدمات سرانجام دیں۔
خیال رہے کہ اس سے قبل حنیف محمد ، عمران خان، جاوید میانداد، وسیم اکرم اور وقار یونس کو بھی اس اعزاز سے نوازا گیا ہے۔