کراچی: پی ٹی آئی کے رکن قومی اسمبلی نجیب ہارون مستعفی

پی ٹی آئی ایم این اے نجیب ہارون نے سب سے زیادہ ٹیکس ادا کیا

کراچی: شہر قائد سے منتخب رکن قومی اسمبلی نجیب ہارون نے اپنی نشست سے استعفیٰ دے دیا ہے۔ وہ پاکستان تحریک انصاف کے بانی اراکین میں شامل تھے۔

نجیب ہارون کا تنخواہ اور مراعات نہ لینے کا اعلان

نجیب ہارون نے اپنا استعفیٰ صدر مملکت ڈاکٹر عارف علوی، وزیراعظم عمران خان اور اسپیکر قومی اسمبلی اسد قیصر کو بھیچ دیا ہے۔

انہوں ںے اس ضمن میں سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں کہا ہے کہ وہ بھاری دل کے ساتھ مستعفی ہورہے ہیں۔

صدر مملکت ڈاکٹر عارف علوی اور وزیراعظم عمران خان کے دیرینہ ساتھی نجیب ہارون نے اپنے استعفے کی وجہ میں لکھا ہے کہ گزشتہ 20 ماہ کے دوران وہ نہ اپنے حلقہ انتخاب میں کوئی بہتری لاسکے اور نہ ہی اپنے شہر کراچی کی کوئی خدمت کرسکے ہیں تو ایسی صورت میں ان کا اپنے منصب پہ رہنے کا جواز نہیں ہے۔

نجیب ہارون نے دس مارچ 2020 کو ہم نیوز کے پروگرام پاکستان ٹونائٹ میں میزبان سید ثمرعباس کے تیکھے اورکچھ تلخ سوالات کے جوابات دیتے ہوئے حکومتی کارکردگی پر قدرے مایوسی کا اظہارکیا تھا۔

نجیب ہارون نے کراچی سے منتخب ہونے کے فوری بعد اعلان کیا تھا کہ وہ نہ تنخواہ لیں گے اور نہ ہی کوئی دوسری سرکاری و حکومتی سہولت حاصل کریں گے۔


متعلقہ خبریں