چھپکلی پر تکرار، شنیرا اکرم کے جواب پر ارمینا خان کو ٹوئٹ ہٹانی پڑ گئی

April 13, 2020
ویب ڈیسک

اسلام آباد: معروف اداکارہ ارمینا خان اور قومی کرکٹ ٹیم کے سابق کپتان کی اہلیہ شنیرا اکرم کے مابین ’ چھپکلی ‘ کو لے کر ٹوئٹر پر بحث چھڑ پڑی۔

ادکارہ ارمینا خان نے اپنے ٹوئٹر اکاؤنٹ سے جاری پیغام میں لکھا کہ چھپکلی سے کبھی واسطہ پڑے گا کبھی ایسا سوچا بھی نہیں تھا۔

ان کی ٹوئٹ کا جواب دیتے ہوئے شنیرا اکرم نے اپنی ٹوئٹ میں  لکھا کہ ’ مجھے سمجھ نہیں آئی، پاکستانی دہشت گردی، بڑے پیمانے پر پھیلی ہوئی بیماری، خطرناک قدرتی آفات، سیاسی عدم استحکام، قحط، غربت اور افلاس جیسی صورتحال سے گزرے ہیں، وہ ایک چھپکلی دیکھ کر اپنے حواس کیسے کھو بیٹھتے ہیں؟‘


اس حوالے سے اپنی ایک اور ٹوئٹ میں انہوں نے لکھا کہ ’ گیکو ایک معصوم چھپکلی ہے، جو ڈینگی اور ملیرا کے مچھروں کو کھا کر ہماری حفاظت کرتی ہے، ان سے نفرت مت کریں، یہ تو انسانوں کی دوست ہے‘۔


انہوں نے مزید کہا کہ ’ میں آسٹریلیا سے ہوں، اگر کسی مخلوق کے حوالے سے فکرمند ہونے کی ضرورت ہوئی تو میں آپ کو ضرور بتاوں گی‘۔

بعد ازاں ارمینا رانا خان نے اپنی ٹوئٹ ڈیلیٹ کرتے ہوئے لکھا کہ میرے کہنے کہ وہ مطلب نہیں تھا، لوگ میری بات کو غلط سمجھ بیٹھے ہیں، میں شنیرا کو بہت پسند کرتی ہوں، اور کراچی کے لیے ان کیے گئے کام کی بھی معترف ہوں۔


ٹیگز :
متعلقہ خبریں
مومل شیخ

والد کو توقع تھی کہ بیٹی شوبز میں نہیں آئیں گی، مومل شیخ
مریم نفیس

زندگی میں ہرچیزکا صحیح وقت اللہ پاک دیتے ہیں، مریم نفیس
تقریب ،ملتوی

لاس اینجلس میں آگ، آسکرایوارڈز کیلئے نامزدگیوں کی تقریب پھرملتوی