راولپنڈی: پاک فوج کے شعبہ تعلقات عامہ کی جانب سے جاری بیان میں کہا گیا ہے کہ بھارت اشتعال انگیز بیانات اور ایل او سی پر کارروائیوں کی کوشش کررہا ہے۔
ڈی جی آئی ایس پی آر کی جانب سے کہا گیا ہے کہ بھارت متنازعہ بل سے توجہ ہٹانے کے لیے مہم جوئی کی کوشش کر رہا ہے اور پاکستان کی مسلح افواج اس کا بھرپور جواب دے گی۔
Provocative statements and preparations for escalation along LOC by Indian COAS appear to be an effort as usual to divert world attention from wide spread protests in India against CAB. Pakistan Armed Forces shall befittingly respond to any Indian misadventure or aggression.
— DG ISPR (@OfficialDGISPR) December 19, 2019
خیال رہے کہ شاہ محمود قریشی نے سلامتی کونسل کے صدر کو بذریعہ خط بتایا ہے کہ بھارت کی جانب سے لائن آف کنٹرول پر لگی ہوئی باڑ کو پانچ جگہ سے کاٹا ہے اس کے پیچھے کیا عزائم ہیں کیا کوئی نیا مس ایڈونچر ہونے جا رہا ہے؟
انہوں نے لکھا کہ بھارت اپنے ملک میں جاری احتجاج سے توجہ ہٹانے کیلئے ہمیں ہندوستان کیطرف سے نیا ناٹک رچانے کا خدشہ ہے۔
شاہ محمود قریشی نے لکھا کہ ہندوستان کے چیف کا بیان انتہائی غیر ذمہ دارانہ ہے ہماری انٹیلیجنس نے غیر معمولی نقل و حرکت کو محسوس کیا ہے جو اس بات کا اشارہ دیتی ہے کہ ہندوستان کے ارادے درست نہیں ہیں۔